निजलेली मुंबई शांत
डाव साधला गनिमांनी
रक्षणकर्ता सागरच झाला फितूर
अन ओंजळ भरली जखमांनी
मुंबईची सुंदरता ओरबाडण्याची
योजना त्यांनी आखली
रेल्वे स्थानकांसोबतच इस्पितळेही
सामान्यांच्या रक्ताने माखली
जवानांसोबतच मुंबई पोलिसांनी
केली पराक्रमाची शर्थ
सद्रक्षणाय खलनिग्रहणायचा
जगाला समजावून सांगितला अर्थ
येतील अशी अनेक संकटे
पण मुंबई कधी हरणार नाही
राखेतून पुन्हा उभी राहील ती
पण गनिमांसमोर कधीच झुकणार नाही
©PRATILIKHIT
No Comment