आठवतोय का तुम्हाला
शाळेतला आपला फ्रेंडशिप डे
रविवारी सुट्टी असायची
म्हणून दोस्तीत रंगणारा तो सॅटर डे
रंगीबेरंगी फ्रेंडशिप बँडने
हात पूर्ण भरून जायचे
शिक्षकांच्या नजरेस पडू नये म्हणून
सगळे गुपचूप वर्गातच बसायचे
होळी आणि फ्रेंडशिप डे
जुना शर्ट ठरलेला असायचा
होळीत रंग आणि फ्रेंडशिप डेला नावं
ह्यांनीच संपूर्ण शर्ट माखायचा
तेव्हा मैत्री दर्शवण्यासाठी
स्टेटस वगैरेची गरज नसायची
छोटीशी बांधलेली कपड्याची चिंधीही
मैत्रीची व्याख्या सांगून जायची
हळूहळू काळ बदलला
तसे फॅन्सी फ्रेंडशिप बँडही आले
पण सोशल मीडियाच्या फॅडमूळे
वास्तवातले मित्र काहीसे दूर झाले
© PRATILIKHIT
No Comment