व्हॅलेंटाईन वीकच्या युद्धसमयी
सगळ्यांच्याच पाठीवर गुलाबाच्या बाणांचे भाते
कुणाच्या पायाखाली पाकळ्यांचा गालिचा
पण खुडणाऱ्याच्या नशिबी मात्र नेहमीच काटे
बोलायचं खूप काही असतं आम्हालाही
पण ओठी मात्र आणता येत नाही
सात जन्माची वचने हल्ली
सात दिवससुद्धा टिकत नाही
ABCD च्या वयातली लहान मुलं
ILU चे पाढे गुणगुणतायेत
ज्यांना प्रेमाचा खरा अर्थ कळायला हवा
ते मात्र ऍसिड, पेट्रोलची बाटली शोधतायेत
सोशल मीडियाच्या कृपेने पुन्हा
कुणाचं पॅच अप तर कुणाचं हार्ट ब्रेक होईल
लोकं व्हॅलेंटाईन साजरा करत असताना कुणालातरी
जुन्या बॅलेंटाईनची नव्याने ओळख होईल
© PRATILIKHIT
No Comment