नात्यांमधले नाते हे
पवित्र जसे जल गंगेचे
पुण्य लागते पदरी आपुल्या
लाभण्या नाते भावाबहिणीचे
सान असो वा थोरला तो
शासन चाले बहिणीचे
कधी चुकता बहीण नेमकी
तो प्रसंगी समजही देतसे
सुखदुःख संकट समयी
तीस आधार बहू वाटतो
होऊनी माय बाप तिचा
तो काळजी तिची घेतो
येता वयात लग्नाच्या
ब्याद जाईल म्हणून चिडवी तिजला
मनी प्रसन्नता दुःखही थोडे
होईन पारखा बहिणीला
निघे ती सासरी जेव्हा
अश्रू नयनी सहोदराच्या
दिल्या घरी तू सुखी राहा
एकची आशीर्वाद मुखी तयाच्या
© PRATILIKHIT
No Comment