असमाधानी राहण्याचा जणू
शापच मिळालाय माणसाला
आवश्यक तेवढं मिळूनही
नेहमी दोषच दैवाला
इतरांशी तुलना करण्यातच
आयुष्य त्याचे संपते
दुसऱ्यांना सुखी पाहून
हास्य त्याचे विरते
इच्छिलेले मिळाले तरीही
हाव काही संपत नाही
उपभोग घेऊन झाला तरीही
मन काही भरत नाही
दिले मुबलक नशिबाने
पण निराशा कायम तशीच त्याची
मिळाली अनंत सुखे उपभोगण्यास
पण ओंजळ कायम रितीच त्याची
कधीतरी समजेल का माणसाला
खऱ्या सुखाचा अर्थ
की मृगजळाच्या मागेच जाईल
त्याचे सर्व आयुष्य व्यर्थ
©प्रतिलिखित
No Comment