बदलणाऱ्या काळासोबत बालपणाची
व्याख्याच पार बदलून गेली
लहानपण देगा देवा ही
केवळ एक संकल्पनाच झाली
अभ्यासापेक्षा प्रिय आम्हाला
होते मैदानावरचेच खेळ
शाळा आणि क्लाससोबत
साधावा लागायचा मेळ
मे महिन्याची सुट्टी म्हणजे
आमच्यासाठी असायची पर्वणी
कधी लपाछपी चोरपोलीस
तर कधी डोंगर का पाणी
हल्ली मुलांच्या हातात
फक्त रिमोट आणि स्मार्टफोन
जीवनाकडे पाहण्याचा
बदलून गेलाय दृष्टिकोन
जे बालपण आम्ही अनुभवलं
ते आत्ताच्या पिढीला मिळेल का
हातून निसटून गेलेले क्षण
पुन्हा जगायला मिळतील का
©PRATILIKHIT
No Comment