पुन्हा एकदा मानवाने
निसर्गाचा रुद्रावतार पाहिला
अण्वस्त्रधारी असूनसुद्धा तो
जीव मुठीत धरून राहिला
झुगारून निसर्गाचे नियम
घेतले त्याच्याशीच वाकडे
स्पर्धा, श्रेष्ठत्व सगळं सोडून
मोजत बसला आकडे
जवळच्याच माणसांवरून
फिरली संशयाची सुई
जिवाच्या आकांताने पळताना
सर्वांनाच थोडी झाली भुई
एकमेकांना साथ देऊन तो
पुन्हा खंबीरपणे उभा राहिला
कदाचित पहिल्यांदाच माणसाने
माणसातला देव पाहिला
No Comment