वितळत चालले हिमनग
निसर्गानेही दिली आहे वॉर्निंग
आम्ही मात्र करणार वृक्षतोड
असेना मग ग्लोबल वॉर्मिंग
झालाय ओझोनचा थर विरळ
जंगलं आगीच्या भक्ष्यस्थानी पडतायेत
स्वतःपुरता विचार करून माणसे
उरलेली जंगलेसुद्धा तोडतायेत
लहानपणी ऐकलं होतं आम्ही
वृक्षवल्ली आम्हा सोयरे
पण पार पायदळी तुडवली आम्ही
पहिले खारफुटी आणि आता आरे
विस्ताराला विरोध नाही पण
वृक्षतोडीला नक्कीच आहे
निसर्गाच्या उरावर पाय देऊन केलेली सुधारणा
कुणालाच नको आहे
© PRATILIKHIT
No Comment