काय जादू म्हणावी या सोशल मीडियाची
इथे जणू अप्सरांचा दरबारचं भरतो
ज्यांना कधी प्रत्यक्षात पाहिलंही नाही
त्यांच्यात जीव पार गुरफटून जातो
सुरू होतं द्वंद्व मग
आपलं अस्तित्व दाखवण्यासाठी
केल्या जातात लाईक्स आणि कंमेंट्स
त्यांच्या पर्यंत पोहोचण्यासाठी
कधीतरी मग घेतली जाते दखल
आणि आमच्या हाती जणू स्वर्गच लागतो
सर्व कामधंदे सोडून
आम्ही रिप्लाय ची वाट पाहत बसतो
थोडीफार उपेक्षा झाली
की मग उगाच आमचा स्वाभिमान जागा होतो
त्यांना बराच वेळ ऑनलाइन बघून
पुन्हा यातनेचा डोंगर कोसळतो
आता मेसेज वगैरे काही नाही
आम्हीही मग मनाशी ठरवतो
पण उशिरा का होईना समोरून रिप्लाय आलेला पाहून
आमचा पुन्हा एकदा विश्वामित्र होतो
© PRATILIKHIT
No Comment