जिद्द असतेच बदल घडवण्याची
अन अनोळख्या भीतीची असते साथ
आपलीच माणसं पाय खेचतात
तर कधी अतिविचारही करतो घात
प्रवाहाविरुद्ध पोहताना
सगळीकडूनच होतो विरोध
पोहत राहायचं दुर्लक्ष करून
अन करायचा नाही क्रोध
कष्ट वगैरेला विचारतच नाही कुणी
इथे निकालाचाच केला जातो स्वीकार
रितच आहे ही या जगाची
इथे केवळ उगवत्यालाच नमस्कार
जिद्दीला द्यावी प्रयत्नांची जोड
अन सोडावं विचारांना मुक्त
कारण काय चाललंय आपल्या आयुष्यात
हे आपल्यालाच माहीत असतं फक्त
©प्रतिलिखित
No Comment