ह्या वर्षी पुन्हा एकदा
ऑगस्ट महिन्याची पंधरा तारिख येईल
पुन्हा एकदा भारतीयांच्या मनात
दबून राहिलेलं देशप्रेम जागं होईल
इतर दिवशी कुठे हो आम्हाला
आमच्या देशाची चिंता
निवडून दिलाय ना लोकनेता
मग तोच देशाचा पोशिंदा
घडतायेत आमच्याच नजरेसमोर गुन्हे
पण आम्हाला काय करायचंय
पोलीस बघून घेतील ना सारं
आम्हाला फक्त स्टेटस टाकायचंय
प्रजासत्ताक आणि स्वातंत्र्यदिनीच
काय ते आमचं देशावरचं प्रेम
बाजारात विकत मिळतो ना तिरंगा
अन विकल्या जातात क्रांतिकारकांच्या फ्रेम
ह्या महान देशाचा नागरिक म्हणून
माझं कर्तव्य मला पार पाडायचंय
स्वतःला भारतीय असं अभिमानाने म्हणवून
थोडंस ह्या देशाबद्दल जाणून घ्यायचंय
©प्रतिलिखित
No Comment