तेवीस जुलैला रत्नागिरीत
एक लखलखीत रत्न जन्मले
केशव नाव मागे पडून
पुढे बाळ नाव रूढ झाले
भरकटलेल्या तरुणांना तुम्ही
लावली गोडी व्यायामाची
केसरी मराठा वृत्तपत्रांतून
ज्योत पेटवली देशभक्तीची
खाल्ल्या नाही शेंगा तुम्ही
म्हणून टरफलेही उचलली नाही
सामान्यांवर झालेला अन्याय
कधी सहनही केला नाही
स्वराज्य माझा जन्मसिद्ध हक्क
आणि तो मी मिळवणारच बाणा तुमचा
पूर्ण केला कारागृहात गीतारहस्य
इतका अभ्यास गाढा तुमचा
सुरू केलीत शिवजयंती
स्थापले डेक्कन एज्युकेशन अन फर्ग्युसन
हुंडा, विधवा वपन बंद करून
विघ्नहर्त्यालाही दिले आसन
© PRATILIKHIT
लोकमान्य टिळक यांना शंभराव्या पुण्यतिथीनिमित्त विनम्र अभिवादन. 🙏🏻💐
No Comment