एवढं सोपं असतं का हो
स्वतःला संपवणं
जे मिळवण्यासाठी आयुष्य झिजवलं
ते क्षणार्धात सोडून जाणं
काय मनस्थिती असेल त्यांची
असा निर्णय घेताना
फक्त एकच मार्ग दिसत असेल का
समस्यांवर उपाय शोधताना
का नाही येत विचार मनात
मागे राहणाऱ्या कुटुंबाचा
की अशा वेळी स्वार्थ डोकावतो
आणि विसर पडतो नात्यांचा
करत नसेल का कुणीच मदत
की सांगतच नसतील ते कुणाला
कुणापुढे हात पसरण्याऐवजी
जवळ करत असतील ते यमाला
इतका मातीमोल आहे का जन्म
की सहज संपवतो आपण
जिने नऊ महिने उदरात सांभाळलं
तिचा अपमानच करतो ना आपण
© PRATILIKHIT
No Comment