तसा पावसाचा मला कंटाळाच
पण तिला मात्र खूप आवडायचा
चुकून छत्री घरी विसरली
की तिचा आनंद ओसंडून वाहायचा
तिच्यासोबत भिजायला मिळावं
म्हणून मी ही छत्री लपवून ठेवायचो
पावसात भिजून आजारी पडल्यावर
घरी आईचा ओरडा खायचो
नातं आम्हा दोघांमधलं
पाऊस आणि सूर्यप्रकाशासारखं होतं
मात्र इंद्रधनुष्य दुसऱ्याच्या वाटेला येईल
असं कधी वाटलंच नव्हतं
पावसात चिंब भिजायची इच्छा
तिच्या जाण्यानेच विरून गेली
रिमझिम बरसणाऱ्या जलधारांची
ओघळणाऱ्या अश्रूंना सोबत झाली
© PRATILIKHIT
No Comment