देवा मला पुन्हा एकदा लहान व्हायचयं
ओल्या मातीत खुप खुप खेळायचयं
कोणी ओरडल तर मुद्दाम रडायचयं
टब मध्ये आंघोळीसाठी हट्ट करायचय
देवा मला पुन्हा एकदा लहान व्हायचयं
चॉकलेट मिळण्यासाठी खोट खोट रडायचय
ते मिळाल्याच्या आनंदात हसायचय
पुन्हा एकदा मला शाळेत जायचय
देवा मला पुन्हा एकदा लहान व्हायचयं
शेवटच्या बेंच साठी पुन्हा एकदा भांडायचय
पुन्हा एकदा मला डब्बा वाटून खायचाय
लेक्चर्स बंक करुन मला प्रॅक्टीस साठी पळायचय
देवा मला पुन्हा एकदा लहान व्हायचयं
मित्राला त्याला आवडणाऱ्या मुलीच्या नावाने चिड़वायच
मला आवडणाऱ्या मुलीकडे चोरून बघायचय
पुन्हा मला रोज मधल्या सुट्टीची वाट बघायचिये
देवा मला पुन्हा एकदा लहान व्हायचयं
पुन्हा मला ट्रेन मधून प्रवास करायचय
धावणाऱ्या झाडांकडे मला कुतुहलाने बघायचय
प्रश्न विचारुन बाबांना भंडावून सोडायचय
देवा मला पुन्हा एकदा लहान व्हायचयं
– प्रतिक प्रवीण म्हात्रे
Nice one bro 😊
All songs nice pups…keep it up…best luck dear
आणि तूझी कविता वाचून मला पुन्हा एकदा लहान व्हायचय…👌👌खूपच छान लिहिलंय