Uncategorized
Men’s Day
उपमा मिळते फणसाची त्याला
समजणं त्याला आहे जरा अवघड
असला जरी कितीही प्रेमळ
इतरांना मात्र नेहमीच वाटतो दगड
वेळप्रसंगी तो ही खचतो
पण जाणवू देत नाही कधी
रडू त्यालाही येतं
पण आसवं गाळत नाही कधी
पडला जरी तो एकाकी
करतो संकटांशी दोन हात
असेनात कितीही अडचणी समोर
तो जिद्दीने त्यावर करतो मात
का असतो तो नेहमी त्रस्त
केलाय का कधी विचार
सांभाळतो तो डोलारा सारा
बनून कुटुंबाचा आधार
© PRATILIKHIT
No Comment