तोडण्या पारतंत्र्याच्या बेड्या
निश्चय करुनी ठाम
ठेविले तुळशीपत्र घरदारी
लढण्या भारत स्वतंत्रसंग्राम
कठीण समय तो मोठा
प्लेग असह्य जाहला होता
रँड वधाच्या आरोपाने
चापेकरांवर खटला होता
वापर करावा स्वदेशीचा
पहिलं आवाहन त्याच वेळी
पेटविली विदेशी वस्त्रे
अन केली त्यांची होळी
अंगी चिकाटी मनी मातृभूमी
मग कशी जखडेल ती बेडी
अशक्य ते शक्य करुनी
मारली भर समुद्रात उडी
आयुष्य वेचले देशासाठी
परी कधी ना ठेवली अपेक्षा
ब्रिटिश तर परकेच होते
आपुल्या सरकारनेही दिली शिक्षा
झेलल्या अनेक हालअपेष्टा
सोलून काढला कोलू
भेट द्या कधी अंदमानला
कारागृहही लागतो बोलू
©PRATILIKHIT
स्वातंत्र्यवीर सावरकर यांना जयंतीनिमित्त विनम्र अभिवादन 🙏🏻🙏🏻
No Comment